سلات (تنظيم): ’سنڌ سگهڙ سنگت لوڪ ادب تنظيم‘، جيڪا ’سلات‘ جي مخفف سان مشهور آهي، اُن جو بنياد، نوجوان سگهڙ عاجز رحمت الله لاشاريءَ جي ڪوششن سان، 23 مارچ 2004ع تي ڄام شوري ۾ پيو. تنظيم جو سرپرست اعليٰ ناميارو اديب ۽ سگهڙ دُر محمد ڪمال آهي. هن تنظيم سنڌ جي 117 سگهڙن جي مختصر سوانح تي مشتمل هڪ ڊائريڪٽري ’سنڌ سڄاڻ سگهڙ‘ عنوان سان ڇپائي پڌري ڪئي آهي. ان کان سواءِ پنهنجي مدد پاڻ تحت 10 کان وڌيڪ سگهڙن جا ڪتاب به هن تنظيم جي پليٽفارم تان شايع ڪرايا ويا آهن.
هن وقت ’سلات‘ جون سنڌ جي سمورن ضلعن ۾ شاخون قائم آهن، جڏهن ته جعفرآباد، لسٻيلي (بلوچستان) ۽ پنجاب جي سرائڪي پٽيءَ ۾ به سلات جون شاخون قائم ڪيون ويون آهن. هيءَ تنظيم مختلف موقعن تي سگهڙن جون ڪچهريون ۽ لوڪ موسيقيءَ جا پروگرام منعقد ڪندي رهندي آهي.
’سلات‘ طرفان ڇپايل ڪتابن جي لسٽ هن ريت آهي: (1) ’لالڻ جي لوچ‘: سگهڙ لعل ڏنو شر، (2) ’رمزون رحمت الله جون‘: عاجز الله لاشاري'>رحمت الله لاشاري، (3) ’رنگ رحمت الله جا‘: عاجز الله لاشاري'>رحمت الله لاشاري، (4) ’مٺا ٻول محبوب جا‘: محبوب علي ڏيپر، (5) ’صدين جي سوغات‘: نظير احمد ميمڻ، (6) ’مٽيءَ جي خوشبوءِ‘: محمد ايوب جوڻيجو، (7) ’محبت جا موتي‘: علي گوهر قريشي، (8) ’محبت جي منزل‘: علي گوهر قريشي،
(9) ’مولود ۽ مداحون‘: عاجز الله لاشاري'>رحمت الله لاشاري.
سلات تنظيم، سال 2012ع دوران ڄام شوري ۾ سنڌ بلوچستان جي سگهڙن جي ڪانفرنس ڪئي هئي، جنهن ۾ سنڌي لئنگئيج اٿارٽيءَ جو سهڪار شامل هو. ان کانسواءِ هن تنظيم جي اڳواڻ عاجز رحمت الله لاشاريءَ، ڄام شوري، حيدرآباد، مٽياري، پني عاقل ۽ ٻين علائقن جي سگهڙن جون ڪچهريون، سنڌي لئنگئيج اٿارٽيءَ جي ’محمد ابراهيم جويي اسٽوڊيو‘ ۾ رڪارڊ ڪرائڻ ۾ سهڪار ڪيو آهي.
2004.03.23 عيسوي
سنڌ سگهڙ سنگت لوڪ ادب تنظيم‘، جيڪا ’سلات‘ جي مخفف سان مشهور آهي، اُن جو بنياد، نوجوان سگهڙ عاجز رحمت الله لاشاريءَ جي ڪوششن سان، 23 مارچ 2004ع تي ڄام شوري ۾ پيو.